قوانين الحياة

عمرك ما تتصل على رقم غلط ويطلع مشغول


: قانون الاصطفاف


إذا إنت صاف في طابور بطيء وقمت غيرته، الطابور اللي غيرته فجأة يصير يمشي أسرع من اللي انت الحين فيه

: قانون التصليح


إذا كنت تشتغل ويدينك مليانه زيت و شحم , تأكد إن خشمك بيحكك


: قانون المعدات


إذا طاح من يدك أي شي، تأكد انه بيبقى يتـدحرج إلى أن يوصل لألعن مكان ما تقدر تطلعه منه


: قانون الأعذار
إذا تأخرت عن الدوام وقلت لرئيسك أن كان عندك بنشر في الكفر،تأكد إنك بكرا بتبنشر صحيح


: قانون المغطس


إذا بديت تتوضا أو تتروش , تأكد ميه بالميه إن جوالك بيبدأ يرررررن وما يسكت


: قانون الالكترونيات

إذا أخذت جهاز عند مصلح تبي توريه انه ما يشتغل، حزتها بيشتغل ولا كأن شي صار



: قانون القهوة

أول ماتسوي لك كاس شاهي ، تأكد إن رئيسك بيجي ويعطيك شغلة ما تخلص الا لما يبرد
الشاهي


: قانون المصادفات

إذا كنت ماتبي أحد يشوفك ، فجأة كل اللي تعرفهم بيطلعون لك من كل مكان


: قانون الضياع

يوم ما يضيع منك غرض مهم وتموووت وإنت تدور عليه تأكد إنك بتلاقي عشرة أشياء ضاعت عليك من قبل ولا تلقى غرضك الأول


: قانون الدعوات

تمر عليك أسابيع وشهور وما حد يعزمك لبيته ويوم ما تنعزم تجيك عزيمتين في يوم واحد


: قانون الأفراح والليالي الملاح

يوم ما تكون إنت وأهلك مسويين عزيمه كبيرة بالبيت يومها البزران بيلعبون لكم في الكهرب

عارفين يا جماعة الخير قلنا قوانين الحياة ...لأنه ربنا سبحانه وتعالى يقول في القرآن
خلق الإنسان في كبد

يعني

الآخر إحنا مو مكاننا هذي الدنيا ..كلنا مفروض نستعد ونعمل لبيتنا الأخير هناك ووقتها ماراح يكون فيه مثل هالمنغصات

....أرسلها لغيرك تكسب ثواب قلب أحييته

مع تحيات / أبوحمزة